जनतेचा खरा प्रतिनिधी: श्रीरंग आप्पा बारणे

श्रीरंग आप्पा बारणे यांनी आपली राजकीय वाटचाल १९९७ साली पिंपरी-चिंचवड महापालिकेत नगरसेवक म्हणून सुरू केली. १९९९ साली त्यांनी स्थायी समितीचे अध्यक्षपद भूषविले. त्यानंतर अनेक वेळा नगरसेवक म्हणून निवडून येत त्यांनी विरोधी पक्षनेते आणि शिवसेना गटनेते म्हणून प्रभावी भूमिका बजावली. २०१४ साली ते राष्ट्रीय राजकारणात दाखल झाले आणि १६व्या लोकसभेसाठी खासदार म्हणून निवडून आले. २०१९ मध्ये १७व्या लोकसभेसाठी पुनः एकदा जनतेने त्यांच्यावर विश्वास दाखवत त्यांची दुसऱ्यांदा निवड केली. २०२४ साली ते सलग तिसऱ्यांदा १८व्या लोकसभेसाठी खासदार म्हणून निवडून आले. खासदार म्हणून त्यांनी ऊर्जा, संरक्षण, अर्थसंकल्प, पर्यटन व संस्कृती अशा देशाच्या दृष्टीने अत्यंत महत्त्वाच्या संसदीय समित्यांवर कार्य केले. त्यांच्या संसदेतील उल्लेखनीय आणि सक्रिय कामगिरीसाठी त्यांना 'संसदरत्न पुरस्कार', 'विशेष संसदरत्न पुरस्कार' तसेच 'संसद महारथी पुरस्कार' यांसारखे अनेक प्रतिष्ठित राष्ट्रीय सन्मान प्राप्त झाले आहेत.